Халыкара фестивальдә Әсадуллиннар Балтач данын яклады

Ильнур, 29 август 2017 - 06:00

2410

Район мәдәният үзәгендә эшләүче Айсылу Әсадуллина турында белмәгән кеше юктыр. Айсылуның көчле һәм матур тавышы һәрбер җырга гашыйк итәрлек. Әниләре үрнәгендә Таңсылу белән Рамазан да җыр-моң дөньясында кайнап яшиләр.

25-27 август көннәрендә "Байтик" сәламәтлек һәм ял лагерендә 9нчы Халыкара этник фестиваль булып узды. Анда бөтен дөньяның төрле төбекләреннән килгән этник һәм фольклор коллективлар чыгыш ясады. Аннан тыш "Осталар шәһәре" дигән кул эшләре мастер-класс күргәзмәсе һәм ярминкәдә булды.

Әсадуллиннар биредә гаиләләре белән 26 август көнне катнашканнар. Башта Айсылу гөсләдә уйнау традицияләре буенча 1 сәгатьлек мастер-класс биргән. Аннан соң Таңсылу һәм Рамазан белән зур сәхнәдә чыгыш ясаганнар! Аларның чыгышын тамашачылар бик яратып кабул иткән, хәтта ахырдан күп кеше үзләрен кызыксындырган сорауларын да җиткергәннәр һәм истәлеккә фотога төшкәннәр.

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia

Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.