(Казан, 3 декабрь, "Татар-информ"). Евгений Касперский "Касперский лабораториясе" компаниясен оештыручыларының берсе һәм генераль директоры быел тагын да күбрәк зыян сала баручы 90 миллионнан артык компьютер вирусы барлыкка килә, дип белдергән. Бу хакта ул 4 нче Интернет белән идарә итү бөтендөнья конференциясендә әйтте, дип җиткерә ТАСС агентлыгы.
“Мин бу бизнеста 25 ел. Челтәр куркынычсызлыгын тәэмин итү – масштаблы проблема ул. 20 ел элек без программаларга зыян салучы 500 меңнән артык вирус теркәгән булсак, 2017 елда 90 миллионнан артык компьютер вирусы барлыкка килүен көтәбез. Бу бит бер ел эчендә”, – дип белдергән Касперский.
Компания башлыгы хакер һөҗүме булган күпчелек программаларны “кыен булмаган вируслар" төркеменә кертеп була, дип саный. Шул ук вакытта зыян салучы программалар комплекслы характер ала баруын һәм челтәр факторына бәйле бик куркыныч заманда яшәвебезне билгеләп үткән.
Нет комментариев