Күршеңдә тузган йорт, ташландык каралты булса, нишләргә?

Иң элек җирле үзидарәгә әйтеп, биек, ярым корыган тупылын кистертте. Аннан авып-түнеп беткән капка-коймаларын җыеп алды. Яңа баганалар утыртып, бәпкә-киштәлекләр корып, бу араларда эштән бушаган чакларында шунда профиль бора. Дөрес, өр-яңаны ук түгел. Калайларын "Татарстан" хуҗалыгыннан алып кайткан. Ике ел элекке давыл кубарып аткан калайларны турайтып-төзәткәч, бер дигән койма килеп чыга. Мең дә бер һөнәр иясе, бик тырыш хуҗалар яшәгәне әллә кайдан күренеп торган каралты-кура янәшәсендә бөтен авылның ямен җибәреп торган бу ташландык йортка барыбызның да эч поша иде анысы. Үз хуҗалыгын һәрчак төзек, матурлап-яңартып кына торучы Рафаэль (рәсемнәрнең берсендә аның йортын да күрәсез) бу гамәле белән бик күпләргә үрнәк күрсәтә һәм сокландыра.