Руль артына корвалол эчеп утырма!

Үзен начар хис иткәнлектән, Евгений дару эчә. Ә берничә көннән ул юл һәлакәтенә тарый. Шул вакытта алкоголь һәм наркотиккка тест тапшырырга туры килә. Медэкспертиза аңарда тыелган матдә - фенобарбитал барлыгын ачыклый. Суд ирне машина йөртү таныклыгыннан мәхрүм итә.

Наркодиспансерда иргә «Корвалол»ның тыелган дарулар исемлегендә булуын һәм медиклар билгеләгән очракта гына кулланырга яраганлыгын әйтәләр.

Экспертлар фикеренчә, мондый очракта закон водительләр ягында түгел. Тыелган препарат таныклыктан мәхрүм итүгә нигез булып тора, дип яза Кызыл таң.

Район тормышына кагылышлы иң мөһим яңалыкларны безнең Макс каналыннан да белә аласыз!