Кушкетын кинъёс шулдыръяськиллям?

Тросаз культура юртъёсын, клуб луэм гуртъёсын, Нылкышноослэн калыккуспо нуналзылы сӥзьыса, концерт программа дасязы, шулдыръяськизы, мылкыдъёссэс ӝутӥзы.

Кылсярысь, Вуж Кушкет гуртын улӥсь дано шутэтсконысь нылкышноос понна гуртысь клубен кивалтӥсь Светлана Щербакова шулдыр пумиськон радъям. 

Люкаськем арлыдо нылкышноосты шумпоттӥллям Кушкетысь мызганчи Алексей Павлов, чебер куараеныз мылкыдъёссэс бугыртэм Юлия Щербакова. Со сяна, тыр ӝӧк сьӧрын пукыкузы, татын чузъяськиллям на ӝӧксьӧр кырӟанъёс, юмшан гуръёс. Праздникез радъяны, ортчытыны юрттэм Светлана но Юлия Щербаковаослэн, Алексей Павловлэн, ӝӧк дасясьёслэн Галина Кобылкиналэн, Антонида Самсоновалэн ужрадэз ортчытонэ понэм кужымзы но тыршемзы дунъяса быдтонтэм. Та сярысь ивортӥзы Кушкетысь арлыдоос.