Шулдыр удмурт концерт
8 март нуналэ, Нылкышноослэн калыккуспо праздник нуналазы, Татарстанысь Балтась ёросысь «Бурнак» возёсын тыршисьёс понна Бурнак Культура юртын Алёна Тимерханова, Иван Котельников, Ури-бери Орина, Андрей Корнилов, кыдёкын сюресэз матын карыса лыктӥзы но, бадӟым но шулдыр концерт возьматӥзы.
«Бурнак» возёсэ куинь гурт пыре, соос пӧлысь кыкез удмурт: Вуж Турья но Карек-Серма (Турья Починка). Залын пуксён инты но ӧз тырмы, котырысь удмуртъёс но лыктӥзы. Ма, Бурнакысь бигеръёс удмуртэн уг ке но тодо, концертэ пыризы ук. Кызьы, пе, кельтод дано, калыкен гажано артистъёслэсь концертсэс.
Артистъёслэн котькуд номерзы дугдылытэк сямен зол ки чабем улсын ортчиз. Чырткем Иван, батыр Андрей, азвесь чингыли куараё Алёна, серекъятӥсь, кыллы кисыяз пырисьтэм Орина — ныльназы ик туж ушъямонэсь, туж быгатӥсесь. Ужаса жадем калыклы кӧня кужым кузьмазы соос!
Концерт дыр чаль ортчиз, калык нош ик тамында учкысал на, дыр. Учкисьёс понна та дунтэм концертэз радъяз «Бурнак» возёслэн директорез Рафкат Накипович Назипов. Учкисьёс пазяськонъязы, котькудӥз артистъёс сярысь шунытэсь ушъян кылъёсын вошъяськылӥзы. Али кӧня нунал соос сярысь вераськозы! Син медаз усьы! Мыным аслым но соос туж кельшо, кельшо крезьгуръёссы, кылъёсты удмурт сямен шонер вераса кырӟамзы, калыклы каньыл мылкыд сётэмзы.
Василий Никитин
Карек-Серма гурт
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев