Миләш һәм баланның файдасы

Көзге җиләкләр — миләш, баланны бал белән аралаштырып куегыз. Болай аларның витаминнары күбрәк саклана, сихәте арта, файдасы да зуррак.
Миләш яки баланны иттарткычтан чыгарырга. Тигез күләмдә бал өстәп болгатырга. Банкаларга тутырып, суыткычка куярга.
Баллы миләш иммунитетны ныгыта, анда В, С, А, Е витаминнары, кремний, цинк, магний, фолий кислотасы, каротин, йод, марганец бар.
Баллы балан иммунитетны күтәрә, салкын тигәндә, ютәлдән булыша, холестеринны киметә, кан тамырларын, йөрәк мускулларын ныгыта, гипертониядән файдасы бар.

Чыганак