Ни өчен озак йокласаң баш авырта?

Йокыны озак йокласаң кан тамырлары кысыла һәм баш миенә бара торган юлларын да тарайта ди белгечләр. Шул сәбәпле, озак йоклап торганда баш авыртып торырга мөмкин икән.

Шулай ук, горизонталь хәлдә озак яту да зыянлы. Нәтиҗәдә, баш миендә кислород белән баетылмаган кан тоткарлана, ә кислород белән баетылганы азрак күләмдә килә. Баш мие өчен бу начар.

Озак йоклагач, кимендә 10-12 сәгать ашамыйсың, эчмисең. Ашамагач гәүдәгә кирәкле витаминнар һәм сыеклык керми. Бу кан куеруына да китерергә мөмкин.

Шуңа күрә, яллар күп булуына карамастан, 7- 8 сәгатьтән дә озаграк йокы йоклап, үзегезгә зыян китерә күрмәгез. 

Иң хәерлесе, йокыдан иртә торып, көндез бераз ятып алу.