Хөрмә ашап ябыгып була...

Хөрмә белән организмга зыян салмый гына артык авырлыктан котылырга ярдәм итә икән.

Диетологлар әйтүенчә, 1 хөрмә – якынча 60 ккал тәшкил итә. Шуңа да кешедә туклыклылык хисе тиз сизелә башлый. Өстәвенә  А, В, С витаминнары, микроэлементларга бай булуы да организмга көч бирә.

Кай вакыт көндәлек ашауны хөрмә белән алыштырырга була. Башта аны иртәнге ашка, аннан төшке ашка да, организм күнегә башлаганнан соң кичке ашка да ашарга була. Ягъни, көн дәвамында хөрмә белән генә туклану турында сүз бара. Аннан кабат чиратлаштыра башларга. Мондый диета тотканда балык, эремчек, пешкән кара ит тә ашау мөһим.  

Хөрмә организмнан артык сыеклыкны чыгарырга, шлаклардан арынырга ярдәм итә. Ашыйсы килгәндә 1 хөрмә ашап куегыз. Әмма көн дәвамында 2 кг нан да артык хөрмә ашарга киңәш ителми. Баллы яратучылар өчен мондый диета аеруча да файдалы ди белгечләр.