27нче сентябрьдә - Чепья участок, 28ендә Балтач үзәк хастаханәләрендә «Донорлар көне» уздырыла.
Җир йөзендә миллионлаган кешеләр үзләре бер тапкыр да күрмәгән кешеләр - үз теләкләре белән кан биргән донорларга гомерләре буена бурычлы. Донор канының планлы һәм ашыгыч хирургия операцияләре вакытында, лейкоз һәм гемофилияле авыруларга, юл-транспорт һәлакәтләрендә зыян күрүчеләргә, теләсә кайсы вакытта кан таләп ителүче бала табучы хатыннарга, балаларга кирәк булуы ихтимал.
Донорлар сафына басып, игелекле гамәл кылырга теләүче балтачлылар исә 27нче сентябрьдә - Чепья участок, 28ендә Балтач үзәк хастаханәләрендә кан бирә ала.
Кан тапшырасы көнне иртән җиңелчә тукланырга кирәк, кыздырган, майлы ризыклар, сөт ризыкларын кичтән ашау, кан бирер алдыннан бер сәгать алдан тәмәке тарту, аспирин, анальгин һәм составында шулар булган дарулар, спиртлы эчемлекләр куллану киңәш ителми. Баллы чәй, сохари, печенье, җиләк-җимеш ярый, ач карынга кан бирмәгез.
Белешмәләр өчен телефон: 2-52-49.
Нет комментариев