Балтачта кошлар өчен кышкы «ашханәләр» урнаштырылды

«Кошларны сезонлы тукландыру буенча чаралар районда кыш буе уздырылачак. Кышлаучы кошлар өчен универсаль ризык – кыздырылмаган һәм тозсыз көнбагыш орлыклары. Киптерелгән миләш һәм боярышник белән тукландырырга мөмкин», - дип сөйли «Балтач» дәүләт тыюлыгы белгече Илфина Ильина.  Шушы көннәрдә Салавыч балалар бакчасы территориясендә кошлар өчен җимлекләре урнаштырылды.

- Хәзер без балалар белән көн саен  җимлекләрне күзәтеп торачакбыз, - диделәр Салавыч балалар бакчасы сабыйлары.