"Казан" халыкара аэропортында булган коточкыч фаҗигагә бүген бер ел булды. Узган елның 17 ноябрендә "Мәскәү-Казан" рейсы буенча очкан "Боинг-737" рейсы самолеты җиргә кинәт килеп төшү сәбәпле, 50 кешенең гомере берьюлы өзелде.
Бүген җәмәгатьчелек һәлак булучыларны искә алды, мәрхүмнәрнең исемнәре язылган мемориалга чәчәкләр куйды.
Һәлак булучылар арасында безнең районнан Ирина Ивашкевич та бар иде. Бүгенге чарада мәрхүмәнең туганнары Зөлфирә Камалова, аның кызы Энҗе һәм тормыш иптәше Фәрит катнашты. Аларны социаль яклау бүлеге җитәкчесе Алсу Гатиятуллина озата барды.
Фото: http://ria.ru/incidents/20131118/977679029.html
Нет комментариев