Чепьяда урнашкан «Наз» тернәкләндерү бүлекчәсендә Бөек Ватан сугышы ветераны, "Халык дуслыгы" музее директоры Галиев Гарифҗан Галиевич белән Җиңүнең 70 еллыгы уңаеннан очрашу булып узды.
Очрашуга, Бөек Җинүгә багышланган китап күргәзмәсе hәм "Бөек Җиңүнең 70 еллыгы" дип исемләнгән стенд куелган иде. Гарифҗан Гали улы дәhшәтле сугыш елларында кичергән газапларын, сугыш афәтләрен, ерткыч Гитлер, Гимлер турында эзлекле итеп сөйләде.
Тернәкләнүчеләр үзләрен кызыксындырган сорауларга җаваплар ишеттеләр. Гомумән, әлеге очрашу өлкән буын күңелендә якты истәлек, яшь буынга батырлык үрнәге булып истә калды.
Нет комментариев