Районыбызда эшләп килүче "Волонтер" иреклеләр оешмасы район күләмендә узучы бер генә чарадан да читтә калмый. Алар һәрчак төрле бәйрәмнәргә ямь өстәүче, ә авырлыклар вакытында ярдәм кулы сузучылар булып торалар.
Кичә «Волонтер» активистлары "Битараф булмыйк" дип исемләнгән социаль акция уздырдылар. Алар Балтач урамнарына янгын нәтиҗәсендә йортсыз, каралты-курасыз калган гаиләләргә ярдәмгә чакыручы игъланнар элеп чыктылар, телдән белешмәләр бирделәр. Әлеге акция эзсез калмас, ярдәм итәргә теләүчеләр шул рәвешле тагын да күбәер дип ышанып калабыз.
Нет комментариев