"Кама"да төзелеш эшләренә 30 миллион каралган

Заманчалаштырылып ремонтланган контор бинасыннан соң, ашханәдә дә төзекләндерү эшләре башланып киткән. Әлегә анда эчке эшләр башкарыла. Чәчүгә кадәр дип тырышалар. Шулай ук гаражларга ремонт ясалып, остаханәләр булдырылачак. Гомумән, хуҗалыкның бөтен тармагын кертеп, быел 30 миллионлык төзекләндерү эшләре башкарасылар.

Һәрбер юнәлешкә тотылган акчаның максатчан куллануын бухгалтерия кызлары тикшерә. Гүзәл Нәҗипова, Раилә Кәримова, Илһамия Латыйпова, Рәйсә Нәҗипова, Лилия Әхмәтҗанова, Фәридә Фазылова, Гөлфәния Гыймадиева иртәдән саннар дәрьясына кереп чумганнан, кичкә кадәр тавык та чүпләп бетерә алмаслык эшләрен башкаралар. Монда бер санда гына хата китсә дә, хуҗалыкка күпме зыян киләсен күзаллавы авыр түгел. Шуңа да әлеге туташ һәм ханымнарның осталыклары, зирәклекләре һәм үз эшләренә фанатларча бирелеп эшләүләре хөрмәт уята.