Сыер савучыларга акча һәм путевкалар өләштеләр (+фоторепортаж, видео)

Райлоныбызныӊ артистлары аларга үзләренеӊ иӊ матур җырларын бүләк иттеләр. Менә иӊ көткән мизгелләр җитте, район башлыгы Рамил Нотфуллин җиӊүчеләрне игълан итте һәм аларга Мактау таныклыклары һәм акчалата бүләкләр тапшырды.

Сыер саву буенча операторлар арасында җиӊүчеләр:
1. "Дуслык" җәмгыятеннән - Екатерина Игнатьева;
2. Тимирязев исемендәге хуҗалыктан - Гөлфия Гарифуллина;
3. "Бөрбаш" җәмгыятеннән - Гөлнара Вильданова.

Терлекләрне ясалма орлыкландыру операторлары арасында җиӊүчеләр:
1. "Сосна" дан - Ранис Ганиев;
2. "Бөрбаш"тан - Ермек Молдашев;
3. "Сорнай"дан - Сергей Макаров.

Шулай ук конкурста катнашучылар арасында "Маяк"тан Гөлфия Салихҗанова - иң яшь, Тукай исемендәге хуҗалыктан Рәйсә Низамова иң өлкән яшьтәге сыер саву буенча оператор дигән исемнәргә ия булдылар. 36 ел «Татарстан» хуҗалыгында сыер савучы булып эшләгән Миләүшә Фатыхова ял йортына юллама белән бүләкләнде. Ә иң яшь терлекләрне ясалма орлыкландыру операторы булып хезмәт юлын бу вазыйфада бер ел элек кенә башлаган "Труд" хуҗалыгыннан Римма Кузнецова танылды, ә тәҗрибәле, озак еллар буе шушы өлкәдә хезмәт куючы өлкән яшьтәге белгеч буларак "Игенче"дән Раушан Габбасовка бирелде.

Раушан әфәнде Габбасов озак еллар авыл хуҗалыгы өлкәсендә тырыш, фидакарь, нәтиҗәле хезмәте өчен ТР Авыл хуҗалыгы һәм азык-төлек министрлыгының терлекчелектә нәсел эше идарәсенең Рәхмәт хаты белән дә бүләкләнде.

Шулай ук министрлыкның әлеге идарәсе һәм "Элита" җәмгыятенең Рәхмәт хатларына "Активист" җәмгыятеннән терлекләрне ясалма орлыкландыру операторы Фәридә Гыйләҗева лаек булды.
"Смәел" җәмгыятенең терлекләрне ясалма орлыкландыру операторы Людмила Бидаевага да "Элита" җәмгыятенең Рәхмәт хаты тапшырылды.