«Анай, мон тонэ туж яратӥсько!»

Котькуд анай — узырлык но шудбур. Нылпиослэн улоназы юн герӟет, солы луыса кужым но итӥське, куректон но кошке.

Анай, мыным туж удалтӥз тонэныд! Тон самой умой адями дунне вылын. Тынэсьтыд ӟечгес мон нокинэ но уг тодӥськы. Мон тыныд ноку но висьытэк улыны сӥзисько. Анайлэн нуналэныз!
Конькина Милана

Мынам анае Галина Павловна. Солы 40 арес. Со ужа «Добреев» магазинын. Анае ческыт пирогъёс но тортъёс пыже. Со яратэ сяськаосын вырыны. Эшшо со яратэ крючокен керттӥськыны. Анай яратэ современной арбериосты басьтыны. Со монэ но Полинаез яратэ, уте. Мон туж яратӥсько анайме! Эшшо со туж чебер!
Трофимова Милена

Мынам анаелэн нимыз Аля. Со дышетӥсь луыса ужа. Солы 37 арес. Анае туж ческыт шыд пӧзьтэ. Мон туж яратӥсько анайме!
Исаева Ангелина

Мынам анаелэн нимыз Наталья. Со ужа школа столовойын. Анай туж ческыт сиён пӧзьтэ. Со чебер но визьмо. Анай яратэ керттӥськыны, алмазной мозайка люканы но книга лыдӟыны. Со мынам дунне вылын самой умоез!
Бураков Алёша

Мынам анаелэн нимыз Марина. Солы 42 арес. Мынам анае уг ужа, Настя апайме уте. Со яратэ носки керттыны. Анай мыным сиён пӧзьтэ. Самой яратоно сиёнэ мынам — шыд. Анай шумпотэ, ку мон школаысь бертӥсько но ку «витьёс» вайисько. Мон сое туж яратӥсько! 
Грахов Илья

Мынам анаелэн нимыз Аля. Со ужа «Авылым» магазинын. Анае туж ческыт нянь пыже. Ваньмон дыръяз анае кино учкыны яратэ. Мон яратӥсько анайме!
Зубарев Артём

Мынам песяелэн нимыз Люда. Солы 66 арес. Мынам песяе дунне вылын самой умоез. Песяе керттӥськыны яратэ. Со ӝук пӧзьтэ, жарить карем, пӧзьтэм картофка дася. Со монэ яратэ. Эшшо со коӵышмес яратэ. Азьло милям пунымы ӧй вал, табере пунымы но вань. 
Денисов Савелий
Мынам анаелэн нимыз Марина. Со ужа магазинын. Со туж ческыт сиён пӧзьтэ. Анае туж чебер, визьмо, урокъёсты дасяны юрттэ, куддыр тышкаське ке но. Со чебер суредаське, киужъёсты лэсьтэ. Мон сое туж-туж кужмо яратӥсько!
Петрова Лиза

Мынам анаелэн нимыз Маша. Анай сиён пӧзьтэ, дӥсьёсты утюга, гужем бакчае ву кисьта. Со костюмъёс дася, поделкаос лэсьтэ, урок дасяны юрттэ. Мон туж яратӥсько аслэсьтым анайме!
Сидоров Никита

Мынам анае Чайникова Любовь Николаевна. Солы 38 арес. Со али уг ужа, пичи сузэрме Ульянаез уте. Солы 1 арес. Анай ческыт сиён пӧзьтэ. Со конфет лэсьтэ. Анае чебер суредаське, солэн киосыз зарни. Мон анаелы юрттӥсько. Со мыным сётэ туж трос кенешъёс. Эшшо со монэ туж-туж-туж яратэ! 
Чайникова Юлиана

Мынам анаелэн нимыз Алина Ивановна. Солы 43 арес. Со ческыт сиён пӧзьтэ. Мынам анае яратэ монэ но агаез. Со ужа англи кылъя дышетӥсь луыса. Со яратэ ветлыны урамын но яратэ быдэс дуннеез. Мон анайме туж яратӥсько!
Григорьева Маша 

Мынам анае туж ӟеч, солэн нимыз Марина. Со мыным юрттэ урокъёсты дасяны. Анаелы 31 арес. Висьыкумы со милемыз эмъя, емышъёс басьтэ. Мон анайме туж яратӥсько!
Копаров Арсений 

Нылпиослэсь гожъямъёссэс дасяз дышетӥсьсы Аэлита Геннадиевна Эшмакова.