Тылобурдоослэн нуналзы

«Балтасинский» государственной заказниклэн директореныз Альберт Фархетдиновен но инспекторен Рамиль Хазиевен вераськи.

Тылобурдоослэсь нуналзэс 1894-тӥ арын США-ын тылобурдоослы саклык висъянэз будэтон вылысь нимысьтыз пусйыны кутско. Иворъёсты паськыт вӧлмытон амалъёс пыр та сям Европае но выже. 1910-тӥ арын асьмелэн шаерамы но инкуазез утёнъя организациос кылдытӥсько. Шырчик умортоосты лэсьтонъя, соосты пумитанъя ӟырдыт ужъёс кутско.

Асьме районын - нылпи садъёсын, школаосын - та уж нимысьтыз умой радъямын. Школаосын нырысь ик классъёс пӧлын, собере школа масштабен тужгес чебер шырчик умортоослы конкурсъёс ортчо. Собере самой чеберъёссэ районной конкурсэ лэзё. Отын ини нимысьтыз комиссиен ӵош йылпумъян лэсьтӥськомы. Берло дыре сыӵе бадӟым ужрадъёсты ми Покчи Лӧзя, Бурбаш, Карадуван школаосын ортчытылӥмы. Дышетскисьёс, вормисьёсты кузьымен пусъён торжество бере, лыктэм куноосын ӵош инкуазе потыса, шырчик умортооссэс писпуосы интыяса, «куака ӝук» сиыса, чай юыса, мылысь-кыдысь шутэтско. Та ужез азьланяз но азинтомы шуыса малпаськом. Организациос, предприятиос но та уж борды басьтӥськысалзы ке, эшшо но умойгес луысал.