Тылысь ветеранъёсын пумиськон.

Та празднике люкаськизы Вуж Турья но Карек-Серма гуртъёсысь жугиськон аръёсы тылын ужам ветеранъёс. Соос тыр ӝӧк сьӧрын пукыса, кӧшкемыт ож вакытэ адӟемъёссэс тодазы вайыса вераськизы. Ож мышкын вань секыт ужъёсты соослы быдэсъяны тупаз, угось. «Ваньмыз фронт понна! Ваньмыз Вормон понна!» шуэм ӧтён улсын тыршизы соос. Ветеранъёсты шуныт ӟечкылаз Бурнак гурт поселенилэн главаез Рима Ивановна Исьмекова, районлэн валтӥсь архитекторез Шамиль Фагимович Бурганов но районысь военной комиссариатлэн представителез Раис Гарифуллович Мухаметшин. Нош Вуж Турья начальной школаысь пиналъёс люкаськем куноосты асьсэлэн чебер кырӟанъёсынызы но шулдыр эктонъёсынызы шумпоттӥзы.

Тылысь ветеранъёс праздникез ортчытыны юрттэм Бурнак обществолэн кивалтӥсезлы Рафкат Накипович Назиповлы но Бурнак гурт поселенилы пумтэм тау карон кылъёссэс вуттӥзы.