«Урал» ярдәм көтә, ә «Урал»ны егетләр көтә

Рамил Әгълиуллин төркеме махсус хәрби операциягә, егетләр соравы буенча, «Урал» машинасы әзерли.

Илебез сагындагы егетләребез әлеге төркемнең килүен дүрт күз белән көтә, тик әле һаман да машинаны ремонтлап бетереп булмый.

«Булышучылар булса, әйбәт булыр иде», –  ди төркем җитәкчесе Рамил Әгълиуллин. – Болай үзебез генә ремонтлап озакка сузыла бит». Запас частьлар да кирәк, акчалата ярдәм булса да әйбәт.

Кайчакта ашарга пешерүче бөтен кешегә дә җитсен дип үзе ач калырга мөмкин. Безнең егетләребез дә тылдагылар рәхәт тормышта яшәсеннәр дип ут эченә керә, син — рәхәттә, ә алар — синең өчен яу кырында, михнәттә. Булышыйк, егетләргә, аннан беркем дә егылып үлми, ә менә егетләр башларын сала, мәңгелеккә ятып кала.

Егетләргә дигән "Урал"ны вакытында илтеп тапшырыр өчен ярдәм итик. Төркемнең исеме: "Своих не бросаем Балтаси 2022″.