Җиңүчебез Фирүзәгә бүләк тапшырдык (фото)

Ильнур, 5 февраль 2017 - 06:47

978

"Яшел чыршы басып торчы өйнең түрендә" дигән фотосурәтләр бәйгесенең нәни җиңүчесе Фирүзә Ибраһимовага шушы көннәрдә "Хезмәт" редакциясенең Рәхмәт хаты белән бүләкләр тапшырылды.

Җиңүчебез Фирүзәгә бүләк тапшырдык (фото)

Нәни кызчык Балтач бистәсенең 1 номерлы балалар бакчасына йөри. Түнтәр авылы оныгы, Балтач бистәсендә алтын куллы чәч кисүче Фирдүс Ибраһимовның кызы. "Хезмәт" сайтындагы Яңа елга багышланган бәйгедә катнашырга әнием Дамира өндәде, катнашып карамыйсызмы, бәлки җиңәрсез, дигән иде, - дип кызының җиңүенә каунып сөйли әти кеше.

- Дус-ишләр, туган-тумачалар тырышлыгы белән иң күп тавышны кызым җыя алды, даими клиентларыма да рәхмәт, алар да бик тырышты. Әнисе дә, берәр көндәшебез алгарак китсә, безне узалар бит инде, әтисе, дип бик борчылды". Нәни җиңүчесе өйгә бүләкләр белән кайтып кергәч, әни кеше аеруча нык куангандыр. Ибраһимовлар гаиләсендә бу соңгы җиңү булмасын иде, алга таба да конкурсларыбызда катнашып, җиңәргә язсын аларга!