Бу атнада Түнтәр авылыннан Рәфкать абый Зарипов мәчеткә йөрүче бер төркем апаларны «Ярдәм» мәчетенә алып барган иде.
- Әлеге мәчеттә башкарыла торган зур эшләрне телевизордан карап күрә һәм бик кызыга идек, шуңа да аларны үз күзләребез белән күрәсе килде, - ди сәяхәт кылучылар. - Мәчетебез эшчәнлеге белән якыннан танышып, "Дөньяның мондый җире дә була икән ", дип гаҗәпләнеп кайтып киттеләр, - дип үз фикерләре белән бүлеште «Ярдәм» фондының «Иман» радиосы редакторы Эльвира Ибраһимова.
Мондый җирләрдә булганнан соң күңелләр сафланып кала, түнтәрлеләр белән дә шулайдыр дип ышанып әйтә алам. Кем белә бит, әлеге сәяхәт турында бәлки үзләре дә язарлар әле һәм «Ярдәм» мәчетенең без белмәгән күп кенә башка якларын да ачып бирерләр.
Нет комментариев