Балык әзерләү серләре

— Каткан балыкны — тозлы салкын суда (1 литр суга 1 чәй кашыгы тоз), ә балык филесын җылы урында эретсәң яхшырак.

— Балык чистартканда бармак очларын тозга батырып алсагыз, балык шуып китмәс.

— Балыкның тәңкәләре җиңел купсын өчен, аны башта кайнап торган суга салырга, аннары серкә кушылган җылымса суда тотарга кирәк.

— Балыкны кыздырыр алдыннан кайнар майга бераз тоз өстәсәң, ул кетердәп торыр.

— Кыздырганда балык таралмасын өчен, аны әзерләр алдыннан 15 минут кала тоз сибәргә кирәк.

— Балык кыздырыр алдыннан 10 минут сөттә тотсагыз, ул аеруча тәмле булыр.

— Балык кыздырганда кухняда тәмсез ис таралмасын өчен, табага чи бәрәңге кисәге салыгыз.

— Диңгез балыгын кыздырганчы, аңа 30-40 минут алдан шикәр комы сипсәң, ул тәмлерәк була.

— Бөтен балык консервларын да ачуга, пыяла яки фарфор савытка бушатырга кирәк. Ачык калай банкадагы балык суыткычта да бик тиз бозыла.

Чыганак