Киптерелгән алманың файдасы бармы?

“Көнгә бер алма ашаган кешегә табиб кирәкми”, — диләр. Җәен бакчада өлгергән чакта чиләкләп торса да, кышка алма кыйммәтле җиләк-җимешкә әверелә. Шуңа аны киптереп куярга була.

Киптерелгән алмада файдалы матдәләр һәм витаминнар тулысынча саклана. Анда тимер, калий, марганец, бакыр, селен күп. 100 г киптерелгән алмада тәүлеклек доза клетчатка бар.

Клетчатка холестерин һәм шикәрне җайга салырга булыша, ашкайнату эшчәнлегенә зур ярдәм, эч катулардан саклый. Алманы кабыгы белән турап киптерәләр. Аның кабыгында антиоксидантлар күп.

Киптерелгән алманың бәвелне куу үзлеге бар, кан тамырларына, нерв системасына, ашкайнату, эчәклек эшчәнлегенә уңай йогынты ясый, остеопороздан саклый.

Чыганак