Чыршы, чыршы, чыршыкай...

Ильнур, 25 декабрь 2013 - 17:05

2829

Яңа ел бәйрәмен чыршысыз күз алдына да китерә алмыйбыз. Бизәлгән чыршылар тирә-якка ямь биреп, бәйрәм рухы алып килә. Ләкин кайбер гражданнар, законнар белән исәпләшмичә, чыршыларны кисәләр.

Бу адымнары белән алар табигатькә төзәтә алмаслык зыян китерә. Татарстан Республикасының Урман хуҗалыгы министрлыгы Яңа ел чорында ылыслы яшь урманнарны саклау чараларының тагын да көчәйтеләчәге турында хәбәр итә. Гражданнар һәм оешмалар законнан тыш ылыслы агачларны кискән очракта китерелгән зыян өчен административ җаваплылыкка тартыла. Диаметры 12 см.га кадәрле агач (0,09 кубометр) өчен урманнарның категорияләре буенча түбәндәге штрафлар каралган.

Агач төре	Гадәти урманнар	Махсус саклана торган урман участоклары	Махсус саклана торган табигый территорияләр	Файдалана торган урманнар
Нарат	2523 сум	3785 сум	6308 сум	1262 сум
Чыршы	2274 сум	3412 сум	5686 сум	1137 сум