Социаль фонд пенсиягә вакытыннан алда кем чыга алачагын хәбәр итте
2026 елда гомумбилгеләнгән пенсия яше хатын-кызлар өчен 59 яшь һәм ир-атлар өчен 64 яшь тәшкил итә
Гражданнарның аерым категорияләре вакытыннан алда пенсиягә чыгу хокукына ия, дип хәбәр иттеләр РИА Новости Россия Социаль фондында. Алар арасында – күп балалы аналар, Ерак Төньякта һәм тиңләштерелгән территорияләрдә яшәүчеләр, шулай ук педагоглар, медиклар һәм иҗат хезмәткәрләре.
Ведомствода 8 яшькә кадәр өч бала тәрбияләгән хатын-кызлар 57 яшьтә пенсиягә чыга ала, дип ачыклык керттеләр. Дүрт бала булганда — 56 яшьтә, биш һәм аннан да күбрәк — 50 яшьтә.
Ерак Төньякта яшәүчеләр иминият пенсиясен гомуми билгеләнгән сроктан биш елга иртәрәк рәсмиләштерергә мөмкин. Моның өчен кимендә 15 ел рәсми стаж һәм ким дигәндә 30 пенсия баллы кирәк.
Педагоглар, медиклар һәм иҗат хезмәткәрләре шулай ук вакытыннан алда пенсиягә хокуклы — тиешле стаж эшләп бетергәннән соң биш ел узгач. Укытучыларга — 25 ел, табибларга эш урынына карап 25 елдан 30 елга кадәр стаж кирәк.
2026 елда гомумбилгеләнгән пенсия яше хатын-кызлар өчен 59 яшь һәм ир-атлар өчен 64 яшь тәшкил итә.
Вести Татарстан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев