Татарстанда яшәүче 16 меңнән артык кеше ярты ел эчендә Дәүләт торак инспекциясенә мөрәҗәгать иткән

Татарстан дәүләт торак инспекциясенә ел башыннан республика халкыннан 16 493 мөрәҗәгать кергән. Бу узган елның шул ук чоры белән чагыштырганда 41,2% ка күбрәк — ул вакытта 11 680 гариза теркәлгән.

Мөрәҗәгатьләрнең күбесе язма рәвештә кергән – 15 707. Тагын 4 147 кеше интернет кабул итү бүлмәсеннән файдаланган, ә 786 кеше телдән мөрәҗәгать иткән. Белгечләр барлыгы 15 202 шикаять караган, калганнары эштә.

Мөрәҗәгатьләрне тикшерү өчен инспекторлар 952 тапкыр урыннарга чыккан. Ярты ел эчендә 786 татарстанлы шәхси кабул итү узды, шул исәптән 180 кеше дәүләт торак инспекциясе җитәкчесе белән очрашты.

Халык еш кына гомумйорт милеген карап тотуга һәм торак-коммуналь хезмәтләрнең сыйфатына зарланган. Инспекция барлыгы 18 142 сорау алган — бу үткән ел белән чагыштырганда 22,4% ка күбрәк.

Эш йомгаклары буенча дәүләт торак инспекциясе 621 күрсәтмә бирде, 542 беркетмә төзеде һәм 4 164 кисәтү юллады. Штрафлар суммасы 24,2 млн сумга җиткән — узган ел күрсәткеченнән өч тапкыр күбрәк.

Вести Татарстан