Балтачта гаилә фестивале үтте (фото)

Районыбызда гаилә ныклыгын саклау, матур гаиләләрне башкаларга үрнәк итеп күрсәтү максатыннан бик күп чаралар үткәрелә. Бу юнәлештә спорт ярышлары да мөһим урын алып тора. Күптән түгел "Хыял" яшьләр үзәгендә узган "Әти, әни һәм мин - спорт гаиләсе" дигән гаилә фестивале моңа ачык мисал булып тора. Бөек Җиңүнең 71 еллыгы уңаеннан оештырылган бу ярышта Пыжмара җирлегеннән Шәфигуллиннар, Чепьядан Гыйльметдиновлар, Югары Субаштан Вафиннар һәм Кунырдан Шәйхетдиновлар катнашты.

Командалар өстәл теннисы, шашка, дартс, йөгереш һәм гаилә эстафетасы буенча көчләрен сынады. Гыйльметдиновлар гаиләсе иң күп балл җыеп, җиңүче дип табылды.