Намазга имам артыннан баскач, янда торган кайбер кеше эчтән имам артыннан кабатлап бара. Ә безгә җәмәгать белән укыганда фарыз намазларында бары имам гына укый, дип өйрәттеләр. Кайсыбыз дөрес?
Бу сорауга Балтач үзәк мәчете имамы Марат хәзрәт Сәйфетдинов җавап бирә:
Сезгә дөрес өйрәткәннәр.
Хәнәфит мәзһәбе буенча, җәмәгать намазында имам тавыш белән яки үзеннән генә укыса да, аның артыннан кабатларга кирәкми. Чөнки аның укуы - артыннан басып торучыларның да укуы булып санала. Имам артыннан кабатлау тыелган, дип кабул итәргә һәм намаз вакытында тын гына басып торырга кирәк. Ә аятьләрдән тыш намаз зекерләрләрен ялгыз намаз кылгандагыча һәркем эчтән генә укый.
Фото: islam-orkeniet.kz
Нет комментариев