Бүген район янгын сүндерү бүлегенә иртәнге 06.46 минутта Арбашның Һади Такташ урамы 26 йорт адресы буенча янгын чыгу турында хәбәр керә.
Йорт хуҗасы Рәмис Даутов белдерүенчә, янгын «Лада-Гранта» машинасыннан чыгып, гаражны камап алган. «Кызыл әтәч»нең телләре машина белән гаражны гына түгел, сарайны да көлгә әйләндергән. Янгынны сүндерүдә район янгын сүндерү бүлеге, «Игенче» хуҗалыгы һәм «Сорнай» җәмгыяте күп көч куя. Аларның тырышлыгы нәтиҗәсендә генә йортны саклап калып була.
Нет комментариев