Балтачта юллар нәрсәгә бетә (фото)

Бу юнәлештә республика районнары арасында (нефть төбәкләреннән тыш) иӊ алдынгы район булдык. Әмма соӊгы вакытларда элек асфальт түшәлгән юлларныӊ эштән чыгуына зарлана башладык. Бигрәк тә Әтнә, Алан юллары турында мондый фикерләр күп. Бу юлларныӊ шуныӊ кадәр нык бозылуы турыдан-туры ике фикер бар. Беренчесе, таш түшәлгән, күтәртелгән юлларга салынган асфальт юлларныӊ нигезләренеӊ тотрыклы булмавы булса, икенчесе, көн-төн бу юллардан авыр транспортныӊ агылуыдыр. Элегрәк Әтнә юлында, хәзер инде Алан юлында юлларны иӊ нык саклый торган яз-көзендә авыр йөк төягән транспорт өзелми. Йөк ташучыларга күрәсеӊ, төрле тикшерүләрдән качып-посып йөрү файдалырактыр, шул ук вакытта, йөри алмас хәлгә килгән юлы район бюджеты өстенә кала, анысыныӊ да мөмкинлекләре чикләнгән.