16 апрель, чәршәмбе көнне Балтач универсаль спорт сарае 2014 елда Россия армиясе сафларына баручы 5 район егетләрен үзенә җыйды.
Балтач, Арча, Биектау, Әтнә һәм Югары Ослан районнарыннан килгән, армия сафларына инде бу язда китәргә тәгаенләнгән, булачак солдатлар пневматик винтовкадан ату, АК-74 автоматы магазинын патрон белән тизлеккә тутыру, 100 һәм 1000 метрга йөгерү, «Камаз» автомобилен йөртү, канат тарту, гер күтәрү, этелү һәм тартылу ярышларында узара көч сынаштылар.
Гомүми 10 ярыш нәтиҗәләре буенча җинүче булып безнең район командасы табылды. Арча районы икенче, Биектау егетләре өченче урында. Безнең булачак солдатларыбыз 24 апрель көнне Республика күләмендә ярышларда катнашу хокукын яулап алды. Әфәрин, егетләр!
Фото: http://baltasi.tatarstan.ru/rus/foto_report.htm/photoreport/604540.htm
Нет комментариев