Россия Үзәк банкы яңа банкнотларның дизайнын билгели торган конкурс игълан итте. Киләчәктә 200 һәм 2000 сумлык купюралар тышлыгын Казанның тарихи һәйкәлләре бизәргә мөмкин.
Моның өчен кичекмәстән тавыш бирү сорала. Тавыш бирүнең беренче этабы Твоя-Россия.рф сайтында иртәгә, ягъни 28 июльдә тәмамланачак.
Конкурс җиңүчеләре 5 сентябрь - 5 октябрь аралыгында узачак тавыш бирүнең соңгы этабында билгеләнәчәк. Ул вакытта Твоя-Россия.рф сайтында, йә федераль басмалардагы анкеталарны тутырып, тавыш биреп булачак. Моннан тыш, 7 октябрь көнне "Россия 1" телеканалы эфирында SMS аша да тавыш биреп булачак.
Нет комментариев