Төрлесе
Рәйхан Низамов, Фәнзил Фазлыев җитәкчелегендәге һөнәр лицееның 38 курсанты да ике көнлек хәрби-патриотик җыенда катнашып кайтты. Егетләр чын солдат тормышын татып карады. Алар адресына быел да мактау сүзләре ирештерделәр.
Һөнәр лицее егетләре хәрби җыенда катнашты(+фоторепортаж)
Район мәктәпләренең югары сыйныф һәм һөнәр лицее егетләре күптән түгел хәрби җыеннарда булып кайтты.
Ике көнгә сузылган җыенда егетләр армиягә әзерлек мәктәбе үтте: тактик күнегүләрдә катнашты, автоматтан атарга, строевой смотр, хәрби топографияне һәм Уставны өйрәнде. Биредә алар чын патриотик тәрбия дә алды.
Рәйхан Низамов, Фәнзил Фазлыев җитәкчелегендәге һөнәр лицееның 38 курсанты да ике көнлек хәрби-патриотик җыенда катнашып кайтты. Егетләр чын солдат тормышын татып карады. Алар адресына быел да мактау сүзләре ирештерделәр.
- Елның-елында әлеге коллектив егетләре матур нәтиҗәләр күрсәтеп, зур җиңүләргә ирешәләр. Тәртип ягыннан да мактауга лаеклар, - дигән иде хәрби җыен алдыннан район хәрби комиссары Васыйл Вәлиев.
Әлеге белем йорты хәрби җыенга елның-елында әзерлекле егетләр алып килә. Заманында курсантларны хәрбилек серләренә төшендергән Тәлгать Җәләев хезмәтләре эзсез югалмады. Инде ничә еллар егетләрне хәрби җыенга Рәйхан Низамов, Фәнзил Фазлыев әзерли. Быелгы җыенда да егетләр бердәм булып катнашып, матур күрсәткечләргә иреште. Хәтта көннәрнең чагыштырмача салкын булуы да киртә булмады.
Санаулы көннәр тиз үтте. Әмма кабатланмас мизгелләр, күтәренке кәеф бүләк иткән бу очрашу егетләр күңелендә озак сакланыр әле.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Оставляйте реакции
Теги: 250
Нет комментариев