Татарстанда бер атна эчендә бәрәңге һәм суган кыйммәтләнде

Татарстанда 6 июльдән 13 июльгә кадәрге атнада азык-төлеккә бәяләр үсеше сизелерлек акрынайды. Татарстанстат мәгълүматларына караганда, бәрәңге һәм суган барыннан да бигрәк кыйммәтләнде, ә сезонлы яшелчәләр — кыяр һәм помидор — арзанайды.

Бер атна эчендә суган 5,8% ка арткан — килограммы өчен 62,7 сумга кадәр. Бәрәңге 5,2% ка кыйммәтләнде – 74,6 сумга кадәр, кәбестә 4,5% ка артты һәм килограммы 58 сумга җитте. Шулай ук банан бәясе арткан – 2,7% ка, 140,5 сумга кадәр.

Шул ук вакытта сезонлы яшелчәләргә бәяләр түбәнәйде: кыяр 8,3% ка арзанайды — килограммы 112 сумга кадәр, помидор — 3% ка, 167,5 сумга кадәр, кишер — 2,4% ка, 61 сумга кадәр. Тавык йомыркасы арзанайды һәм хәзер дистәсе 75,9 сум тора.

Вести Татарстан