29 сентябрьдә 19.20дә Әлмәт районында килеп чыккан юл-транспорт һәлакәте нәтиҗәсендә, ирле-хатынлы яшьләрнең гомере өзелгән, аларның 1 яшьлек балалары исән калган.
Фаҗигә Казан - Оренбург юлының 273нче чакрымында була. "Лада Гранта" автомобиле белән идарә иткән 26 яшьлек егет каршы як юлга чыгып, каршыга килгән "Мицубиси Фусо" автомобиленә тиеп китә һәм шулай ук каршыга килгән "Ниссан Караван" белән бәрелешә.
"Лада" йөртүчесе һәм машинадагы 25 яшьлек пассажир хатын-кыз җәрәхәтләрдән шунда ук җан бирә. Аларның арткы урындыктагы 1 яшьлек уллары тән казаларына дучар ителә, әмма исән кала. Бала кечкенә пассажирлар өчен каралган махсус җайланмага утыртылган була, дип яза татар-информ.
Фото: http://zt16.ru/index.php/proisshestviya/15877-voditel-i-passazhir-pogibli-v-dtp-v-almetevskom-rajone
Нет комментариев