«Наз» тернәкләндерү бүлекчәсендә һәр заезд ахырында "Саубуллашу кичәсе" үткәрелә. 27 июль көнне шундый кичәләрнең чираттагысы булды. Чараның үтә дә җанлы үтүендә Нурҗиһан Ишморатованың өлеше бик зур булды.
Аның оста итеп гармунда уйнавы һәркемдә соклану хисләре уятты. Ул уйнаган көйләргә Луиза Есенаманова, Камал Сафиуллин, Наил Хәмитов, Антонида Сидорова һәм Валентина Шишкина матур җырлар суздылар. Калганнар биеде, шигырьләр сөйләде, уеннар уйнады.
- Өйләребезгә кайткач та арт-терапия белән шөгыльләнүне дәвам итәрбез. Җырлау начар эш түгел бит, - дип шаяртты өлкәннәр.
Гүзәл Фатыйхова фотолары
Нет комментариев