Кунырда мөгаллимәләрне хөрмәтләгәннәр

Шушы көннәрдә Куныр авылы мәчетендә бик матур чара узган. Әти-әниләр мөгаллимәләрне мул табын әзерләп кунакка дәшкән.

Куныр авылы мәчетендә Сәгтдинова Тәгьзимә, Хәйретдинова Зөлфия, Әхмадуллина Әлфия, Вагидуллина Люция, Төхвәтуллина Миләүшә, Галиева Рәмзия апалардан дин дәресләре алган егет-кызлар бик күп район күләмендә узган бәйгеләрдә призлы урын алган.

Әти-әниләр рәхмәт йөзеннән мөгаллимәләрне, шулай ук мәчетне гөлгә күмүче, җыештыручы Шәрәфетдинова Гөлшат, пешекче Низаметдинова Нурзилә апаны, имам Гарипов Габделбәр абыйны кунакка дәшкән. Аларның һәрберсенә изге гамәлләре өчен Рәхмәт хатлары һәм күчтәнәчкә бал (Шакирҗановлар гаиләнәсенең иганачелек ярдәме) тапшырылган.