Аяз һава торышы күпме сакланачак?

Сишәмбе һәм чәршәмбе, 16 һәм 17 сентябрьдә, явым-төшемсез коры һава торышы саклана. Температура төнлә +3..+8 градус, көндез +16..+22 градус була. Бу хакта Татар-информ яза.

Пәнҗешәмбе, 18 сентябрьдә, шулай ук сизелерлек явым-төшем көтелми, төнлә +2..+7 градус (урыны белән +10 градуска кадәр) фаразлана, көндез +23 градуска кадәр җылы була.

Җомга көнне Татарстан антициклонның көнбатыш перифериясе йогынтысында кала. Яңгырлар фаразланмый, көндез температура +18..+23 градус тәшкил итәчәк.

Шимбә көнне исә, атмосфера фронты якынлашу сәбәпле, урыны белән кыска вакытлы яңгырлар көтелә, һава +16..+21 градуска кадәр җылына.

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.