“Балтач” ял паркында 1 июнь – балаларны яклау көне уңаеннан күркәм чара узды.
Район мәгариф идарәсе, социаль яклау, мәдәният, яшьләр эше һәм спорт бүлекләре тарафыннан оештырылган бу чара бәйгеләр, җыр-бию һәм спорт уеннарына бик бай булды.
Һәр елны уза торган бу бәйрәм быел да үзенә бик күп сабыйларны җыйды. Көннең бераз җиләс булуы да киртә булмады, сабыйларыбыз җырлады-биеде, уйнады-көлде.
Балаларыбызның бүгенге һәм киләчәк тормышлары да бәйрәмнәр кебек ямьле узсын, күгебезне кара болытлар капламасын, сәламәтлек ташламасын!
Фото: Тәнзилә Габдрахманова
Фоторепортажны тулысынча фотогалереяда карагыз.
Нет комментариев