Җәмгыять

Шеңшеңәр җирлегендә Җиңү көне (+фото)

17 май 2017 - 05:36 Автор:

Ильнур

2809

Шеңшеңәр җирлегендә Җиңү көне бик оешкан төстә үтте.

Шеңшеңәр җирлегендә Җиңү көне бик оешкан төстә үтте. Чара әлеге җирлеккә кергән Ор авылында башланып Шеңшеңәр авылында дәвам итте. Митингны "Маяк" җәмгыяте җитәкчесе Хәлил Хаҗиев алып барды. Котлау, тәбрикләү сүзләреннән соң һәйкәлгә веноклар салынды, мәрхүмнәрне бер минут белән искә алдылар.

Таш һәйкәлләр балкый эчтән генә,
Җырлый алар акыртын гына.
Һәйкәлләргә килик!
Гөлләр куйыйк!
Һәйкәлләрне тыңлыйк тын гына! - дип шигырь сөйләде бу көнне балалар.

Әби-бабайлар хөрмәтенә тирән эчтәлекле концерт тәкъдим итүче дә алар булды. Бабаларының плакатлары белән "Үлемсез полк" сафларына кушылган мәктәп укучылары Бөек ватан сугышы ветераннарының исемен мәңгеләштерүдә күләмле эш башкарды.

Тантана чәй табыны артында дәвам итте.