Шодада да Маймыл елына ныклы адымнар белән атлаганнар (фото)
Җәмгыять

Шодада да Маймыл елына ныклы адымнар белән атлаганнар (фото)

Шода авылында да бал-маскарад бик оешкан төстә үткән. Башка кечкенә авыллардагы кебек үк биредә дә мәктәп-бакча, клуб һәм китапханә, медпункт хезмәткәрләре бәйрәм чарасын бергәләп әзерләгән, балалар да читтә калмаган, шәхси эшмәкәрләр дә үз өлешләрен керткән.

- Елның-елында авылыбыз фельдшеры Ләйсән Габделхакова бәйрәм өчен сценария яза, биюләр өйрәтә. Эш сәгатьләреннән соң репетицияләр ясап, бик ныклап әзерләнәләр. Авылдашлары өчен шулай җан атып йөргән Ләйсәнгә зур рәхмәт әйтәсебез килә. Гомумән, әлеге бәйрәмне әзерләүдә көче кергән һәркемгә авылдашлар исеменнән олы рәхмәт хисләребезне ирештерәбез, - ди Резеда Низамова.

Бәйрәм чарасы маскарад костюмнарына да бик бай булган. Җырлар, биюләр дә чарага ямь өстәгән. Кыскасы, кунаклар да, авылдашлар да бәйрәмнән бик канәгать калган.


250

Нет комментариев