Рафилә Шәмсетдиновадан балык пирогы

Йомшак кына төче камыр басабыз. Камыр өчен:

200 грамм кефир, 6аш кашыгы сыек май, 1 йомырка, аш серкәсендә сүндерелгән чәй содасы, тәменчә тоз, он.

Эчлек өчен: 250 граммлы сайра балыгының майлы консервы, 1стакан дөге, 2 уртача зурлыктагы кишер, 2 баш суган, тәменчә тоз.

Балыкны чәнечке белән вакларга, дөгене газда бүрттереп алырга, суганны турап майда кыздырырга, янына угычтан кишер чыгарып салырга. Барысын бергә кушып, эчлекне әзер итәргә. Камырны җәеп пирог формалаштырырга. 200 градуслы мичтә 40 минут тирәсе пешерәсе. 

чыганак