Сарыкчылык менә кайда үрчи икән Балтачта?!

Бер яхшы сарыкны 7000 сумга саталар, 5-6 меңгә дә бар. Шулай беркөнне Сосна авылыннан үтешли дә көтүдәге сарыкларны күреп сокландым, бер бала әйткән ди бит, кара, әни, сарык, дип...Әнә шул хәлгә җитә язган идек бугай инде, авыл баласы сарык та күрми үсә торган итеп... Динебез көчәеп китеп, мөселман булганнар Корбан гаете саен (алай гына да түгел, малай туса да чалдыручылар да бар, хәтта икене) корбан чала, аш итә, күрше-күләнен, туган-тумачасын сыйлый, фәкырьләргә өләшә. Соснада өч көтү, менә бит, кайбер авылларда бер көтү дә юк, ә монда өчәү! Асраган малларының игелекләрен күреп, бәрәкәтен татырга язсын сосналыларга!