Авыл хуҗалыгы
"Урып-җыюны бу атнада төгәлләргә!" - бурыч шундый
Районда урып-җыю кампаниясе бүгенге көннәрдә дә дәвам итә. 11 сентябрьгә алынган мәгълүматлардан күренгәнчә, районда 5300 гектар мәйданда урылмаган бөртекле культуралар калып бара.
Шуның 3 мең гектарын бодай тәшкил итә. Әле боларга өстәп комбайннар кермәгән 1400 гектар рапс мәйданнары да ята. Гомуми күзлекән чыгып караганда, фермер хуҗалык җирләрен дә кертеп районда барлыгы 18 % мәйданда урып-җыю эшләре башкарасы бар.
Шул ук вакытта районда беренчеләрдән булып, "Кама", "Бөрбаш", "Алга" хуҗалыклары урып-җыюны төгәлләделәр. Ә "Активист" һәм "Дуслык" җәмгыятьләре төгәлләү алдында тора.
Район башлыгы Рамил Нотфуллин бу атнада тулы куәткә эшләп, атна азагына районның барлык хуҗалыкларында да урып-җыюны тәмамларга дигән бурыч куйды. Бушап калган басуларда саламны җыйнап алу мәсьәләсен дә вакытында хәл итеп барырга чакырды. Җирне төп эшкәртүне, ягъни туңга сөрүне катгый контрольдә тотарга кирәклеген искәртте.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев