Атыкай музъемез утисьёслы сӥ но дан! (азьланьтонэз)

Тужгес но секытгес йӧтӥз семьяослы, кудъёсаз вань агай-вынъёс, атаен пиос оже басьтэмын яке ас мылкыд каремзыя кошкемын.

Вуж Кушкет гуртын таӵе учыръёс трос. Кылсярысь, туж яркыт пример луыса пуксе Кузнецовъёслэн семьязы. Татын ньылез ик агай-вынъёс фронтэ кошкемын. Куинез соос пӧлысь пыраклы ожлудэ кылемын.

Кузнецов Михаил Иванович

Вордӥськемын 1923 арын, выжыезъя — ӟуч. Вордскем шаерез утьыны 3 тулыспалэ 1942 арын Совето Армилэн радъёсаз пыртэмын вал. Москва дорын мынӥсь ожъёсы, Сталинградэз мозмытонэ пыриськем. Берпуметӥяз туж секыт сӧсырмыны шедем. Кема кыстӥськись висёнэз бере, 1947 арысен 1967 арозь колхозын ужам. Кылкутыса ужамез понна со таукаронъёсын но данъетъёсын пусйиськемын. 1963 арын ёросысь ужасьёслэн Советсылэн депутатэзлы быръемын. 2 группаысь инвалид. 

Кузнецов Никита Иванович

Вордӥськемын 1912 арын. Война кутсконысен ик вынъёсыныз ӵош кошкем вордскем палъёсты утьыны. Ивортэк ожлудэ быремын шуыса лыдъяське. 

Кузнецов Иван Иванович

Вордӥськемын 1916 арын. Война кутсконысен ик, 1941 арын, шаерез утьыны кошкем. Ӧнерезъя валэн разведка ортчытӥсь луэм. Ленинградэ ыстэмын луэм, отысен разведкае кошкыса, бертыны кылдымтэ ни. Ивортэк ышемын шуыса лыдъяське. 

Кузнецов Павел Иванович

Вордӥськемын 1921 арын. 1941 арын Иван агаез кадь разведкае мынэ. Одӥгаз сыӵе разведкае потыса, ивортэк ыше.

Та туж ӧжыт люкетэз гинэ. Вуж Кушкет гуртын соос огъя 200 пала мурт. Соос пӧлысь ӝыныезлэсь ӧжытэз гинэ бертӥз, кӧняез ивортэк ышиз, кӧняез пыраклы ожлудын кылемын...

(Материаллы инъет Ципьяысь «Калыкъёслэн эшъяськонзы» шаертодонъя музейысь басьтэмын).