Атыкай музъемез утисьёслы сӥ но дан! (азьланьтонэз)

Быдӟым тыложын воргоронъёсын артэ ожмаськизы нылкышноос но.

Кумаева Мария Михайловна

Вордӥськемын 1923 арын. Быдӟым Атыкай ож кутскыку, солы 18 арес гинэ луэ. 1943 арын пӧсьтолэзе кӧня ке егит нылъёсты арми радэ басьто. Соосты ньыль толэзь ӵоже зенитной пулемётэн ыбылӥськыны дышето, бератаз фронтэ ысто. 1943 арлэн пумаз советской армия Белоруссиысь музъемъёсты мозмытыны кутске. Нырысетӥ белорусской полкез 37 зенитно-пулемётной полке люко. 

Егит Мариялэн нырысетӥ ожез Днепр шур вамен выжон дырлы тупа. Со мертаськон ужез быдэстэ. 

Вормонэз Мария Михайловна Варшаваын пумита. Берпуметӥ ожмаськоназ солэн полкез 14 немец самолётъёсты пушкытэм. «За освобождение Варшавы» медален, 2 степенё Отечественная война орденэн пусйиськемын. Вордскем палъёсаз 1945 арын гудырикошконэ ефрейтор званиен бертэм. 2000 арын кулэм.

Бегашева Надежда Степановна 

Вордӥськемын 1920 арын. 1942 арын 20 шуркынмонэ Серпухове фронтэ кошкем. 1945 арозь 2-тӥ Украинской фронтын службазэ нуэм. «За заслуги военной службы», «День Победы», «Боевая заслуга» медальёсын пусйиськемын. Гуртэ бертыса, мыло-кыдо колхозын тыршем

(Азьланьтонэз вань)