Үсентеләрне ничек тукландырырга?

Күп бакчачылар тәрәзә төбендәге үсентеләрне тизрәк тукландырырга ашыга. Үсентеләргә артык «тук» булуга караганда азрак «ач» булу файдалырак. Беренче тукландыруны тишелеп чыгып 14-15 көннән, 2-3 чын яфрагы чыккач кына бирергә була. Аннан соң ике атна саен тукландырырга була, әмма үсемлекнең торышына карарга кирәк. Әгәр яфраклары шома, төсе җете, сабаклары калын, нык икән, димәк, аңа туфрактагы туклыклы матдәләр җитә. Үсемлек өскә тартылса, зәгыйфь күренсә дә, бу әле туклыклы матдәләргә кытлыкны расламый. Бәлки аңа яктылык кына җитмидер, лампа куеп карагыз.

Күчергәннән соң да үсентене ике атна диетада тотарга кирәк, шуннан соң гына тукландыра башларга була.

Чыганак: https://vk.com/bakchada?w=wall-189015555_14773

Фото: https://vk.com/rozo4ka12