Бөрбаш янында юлга сыешмаган
Юл хәрәкәте иминлеге

Бөрбаш янында юлга сыешмаган

Кичә, Бөрбашны чыгып Шәмәрдән ягындагы юл борылышында юл-транспорт һәлакәте булды.

Балтачтан Шәмәрдән ягына бара торган «Ларгус» машинасы, тизлекне киметмичә, текә борылышка керә. Әмма юл буенча хәрәкәт итү урынына, каршы яктан килгән «Нива» машинасына бәрелә. «Ларгус» машинасы Казан шәһәреннән килгән булса, «Нива»ныӊ хужасы күрше Кукмара районы Ядегәр авылыннан. Беренче машина хуҗасына зыян килмәсә дә, Ядегәр авылы кешесе бүгенге көндә Арча шәһәре хастаханәсендә дәваланырга мәҗбүр. Табиблар фикеренчә, аныӊ гомеренә куркыныч янамый. Район юл хәрәкәте иминлеге Дәүләт инспекциясе руль артында утыручылардан тизлекне арттырмауларын сорый, юл билгеләренә дә игътибар зур булырга тиеш, ди алар.


250

Нет комментариев