2026 елда минималь хезмәт хакының күпме булачагы билгеле

2026 елда салымнарны тотып калганнан соң минималь хезмәт хакы 23 570 сум тәшкил итәчәк, дип хәбәр итә «Шәһри Казан» РИА Новости агентлыгына сылтама белән.

Элегрәк Россия Президенты Владимир Путин 2026 елның 1 гыйнварыннан хезмәт өчен түләүнең минималь күләмен (МРОТ) 27 093 сум күләмендә билгеләү турындагы канунга кул куйган иде, тиешле документ хокукый актларны рәсми бастырып чыгару сайтында урнаштырылган.

Шул рәвешле, хезмәт хакы МРОТ дәрәҗәсендә булганда, хезмәткәр 13 процент НДФЛ түләгәннән соң кулына 23 570 сум күләмендә акча алачак.